Print this page

Misralar

Səbr eylə könül, Sahibi dövran gələcəkdir

 
(1 Vote)

 

br eylə könül, Sahibi dövran gələcəkdir

 

Dünyada kədər-qəmdən əsər qalmayacaqdır,

Bir də heç ürək niskil ilə dolmayacaqdır,

Açmış təzə güllər saralıb, solmayacaqdır,

Axır ki, dönüb bağına bağban gələcəkdir.

 

Bu zülmətə nuruyla gəlib son qoyacaqdır,

Həqqi bəzəyib, batili üryan qoyacaqdır,

Küffarı zuhuruyla O, heyran qoyacaqdır,

Həq dini edib aləmə elan gələcəkdir.

 

Zülmün yapışıb həlqinə canın alacaqdır

Şükr eyliyib öz Rəbbinə, təzim qılacaqdır

Abbasın o yenmiş ələmin qaldıracaqdır

Dar eyliyəcək düşmənə meydan gələcəkdir

 

Aşiqlərə söylün ki, dəxi ağlamasınlar,

Yəqub kimi qəmdən sinəni dağlamasınlar.

Göndərmiş O, pirahəni göz bağlamasınlar,

Olsunlar ayıq Yusifi Kənan gələcəkdir.

 

Çərxi-fələyin çərxi fələknən dolaşırsa,

Batil çoxalıb dəhrdə həddinən aşırsa,

Tənnuri-zülüm zülm ilə qaynırsa, daşırsa,

Yəqin ki, o Nuh ilə o tufan gələcəkdir.

 

Hamı o dəm Allaha ibadət edəcəkdir,

Şirk eyləməyib cümlə dəyanət edəcəkdir,

Quran oxuyub, xəlqi hidayət edəcəkdir,

Təkbir ilə, həmd ilə Subhan gələcəkdir.

 

Ol yarın üzündəqara bir xal olacaqdır,

Hüsnün görüb İlqar əbədi lal olacaqdır.

Bilməzsən o gün hal necə hal olacaqdır,

Çün yerlərə həm göylərə sultan gələcəkdir.

 

Müəlliflik Hüququ Əbədi Nur Müəssisəsinə aiddir

 

 


 4152,